Food Recipe: Hi Everyone Mo trouver bku dimoun pa p konE ki pu kui Mo kpv aide zot mm Pa zi…

Hi Everyone 
Mo trouver bku dimoun pa p konE ki pu kui
Mo kpv aide zot mm 
Pa zi...

Hi Everyone
Mo trouver bku dimoun pa p konE ki pu kui
Mo kpv aide zot mm 😃
Pa zis pu 1 semaine mai pu 1 mois tou 🤣🤣🤣

M fer 1 la liste pu zot!

1) Du riz, la daube la viande, met ti poi/carott dan can (pna pu al bazar pu rod legum frai)

2) Poulet haricot blanc

V dir zt prepar 1 rougay met moins pomdamour
V dir si zt met 4 pomdamour zt servi 2 ou 3
Met imP tilani ladan
Met poul roussi bien ziska kui
AprE met delo laiss boui met haricots blanc
Voilaaaa
Kpv met lichou tranchE (v dir poz lichou la latet la laO, coup vertical)

Kpv oci fer sa ek poisson ou saucisse pu cki manZ
V dir pu poisson avan met delo pu boui la, met zt poisson fini frir ladan
Pu saucisse la kpv fini fer tou net frir sauciss la imP met ladan er couver recipient la
Zt kpv oci fer 1 oeuf mirroir et salad

3) Zt kpv kui macaroni
Fer 1 sauce bechamel
SautE imP épinard surgelé dan oignon et met dan bechame
Rap carott
Roussi poul ou lavian ou poisson ou mm oeuf
Kpv oci met 1 bte thon
Kpv manz sa kumsa m oci
Olieu servi epinard kpv oci met brocolis surgelE

4) 1 salad betrav oeuf boui pondeter

5) dupain salad thon pima vert oignon tomate

6) sandwich thon mayonnaise laitu tomate olive oeuf boui

7) Boui macaroni, met 1 bte thin dan pasta sauce
MelanG bien
Met fromage

8 ) kui 1 bon rougay bien fort, met 1 bte thon ladan et aprE sa manz sa ek 1 bon mine boui ek so lakeu oignon

9) fer 1 brinjel toufE, kuma parE met 1 bte thon ladan, manz sa ek 1 dupain

10) ena bte conserve maïs/poivron ensam, asT sa, melanz ek diri dja kui, met poul roussi et melanG
Kpv met oeuf boui oci
Fer 1 vinaigrette
Ggn 1 salad de riz!

11) fer 1 bon massala, met 1 bte conserve tipoi, gro poi et poi chiche, met pomdeter cube pu cki kontan
Fr 1 rougay touni ou 1 rougay glenrik
Manz sa ek zt roti, zt ine bien fini tou la farine😂😂😂

12) frir poisson salE
Gard dan 1 pot en boutey kuma pot diber pistass black cat par exemple
AprE servi kan bzn

– zt kpv fr diri frir poisson salE
-zt kpv fr 1 massala fruit a pain met poisson salE e manz sa ek zt roti, m repeT zt ine bien fini tou la farine, manz roti bien aster🤣🤣🤣
-zt kpv fer 1 massala patol e met poisson salE ladan

Et oci pu ban ki enkor ena plas resT dan frizer, roussi massala et rougay met dan pot en boutey, met dan freezer, kan bzn tirE servi

13) chou-fleur surgelE aster
Zt kpv fer 1 bon la daube lavian met sa ladan
Met tipoi oci

Zt kpv fer 1 massala dizef, met dizef boui, dizef frir tou, met zt chou-fleur ladan et manz sa ek zt roti, mai mw m prefer sa ek 1 duri blanc sec sec

14) kraz lavian kuma kheema
Fer massala
Met champignons et tipoi pu cki kontan
AprE met lenti dan can
MalanZ e met dan duri blanc dja kui
Melanz bien
Apel sa kichri pulao

15) salad pomdeter
Boui pomdeter cube, met carotte raP, maïs, champignon, oignon, oeuf boui, pima vert, kpv met olive, champignons, tomate etc
Vinaigrette : 2 tbsp mayonnaise, 1 tsp moutard ou 1 tbsp, dpan zt gou, 1 tbsp miel ou sucre, sel, deluil olive, vinaigre, du poivre

16) du riz, lenti, met epinard ladan, roussi poul ou frir lavian, frir poisson, kheema dizef, rougay poul poisson ou lavian

17) du riz, dal, zt kpv rapp carott dan dal, met chouchou, kpv roussi 1 ti massala cler met dan dal la
Manz sa ek 1 bon poisson salé ou poul frir ou rougay

18) kpv fer 1 ladaube cler, met 1 can gro poi ladan et kui diri blanc normal, et manz sa ek poisson salE

19) zt kpv asT haricots vert en avance, couP netoyE, blanchi et met dan sac plastic et gard dan frizer!
Kpv fer diri dal haricots et salad thon ou poul frir poisson frir lavian frir mm rougay
Lefoi poul bef oci kpv fr

20) massala lavian met brinjel et gro pois et manz sa ek zt roti, m redir zt ine bien fini tou la farine, manz roti bien aster🤣🤣🤣

21) boui diri met canel elaiti girofle disel
Frir pomdeter
Pran poul met dan 1 recipient, melanz 1 sachet shan, sindhi briani, yakni pulao, bombay briani, malay etc, nimport 1
Ajoute 1 yoplait oignon frir, so bzn met pomdamour meT
Kui imP, 5 mins aprE met pomdeter frir ladan, ferm recipient laiss kui
Kan ine parE met diri la par laO aroz oignon frir et 1tbsp jafran infuser
“Briani” ine parE 😂😜
Kpv met tipoi carott courgett oci

22) kalia poul kalia lavian kalia poisson

23) massala poul met tipoi dizef boui pomdeter ek zt roti,m redir zt ine bien fini tou la farine, manz roti bien aster🤣🤣🤣

24) dalpita satini sevrett, rougay poisson salE, satini coco

25) duri bouyon pomdeter toufE lavian frir poisson salE frir poul frir, ou rougay

26) duri lenti pomdeter toufE poul frir satini coco

27) du riz lenti lefoi frir lichou toufE
Satini pomdamour bien fort

28) kui diri blanc normal, met poul roussi ou lavin frir ladan, dizef frir, lakeu oignon, maïs dan bte, melanG bien ggn 1 plat chinois bien leger

29) ggn ban sachet legume surgelE ena brinjel courgett poivron et pa rapel enkr
Kui 1 rougay lavian pu poul met sa ladan
Boui macaroni met sa ladan et melanG met fromage

30) tikka poul dupain
Dupain kentucky fai maison
Dupain burger 🍔
Panini m/wrap saumon/marlin/ poul/ crevett, lavian, poisson

By the way kpv frir lavian, met bien oignon craZ ladan pu li bien juicy
AprE kan parE met siaw caramel et imP oyster sauce
Pran wrap, met 1 slice fromaz, met zt lavian, met poivron cube, oignon cube, tomate cube, fromage mozarella, 1 fey laitu
Mayonnaise
Ou melanz 1 tbsp mayonnaise/1 tbsp moutard/ 1 tsp ail craZ, 1 tsp miel, 1 tsp vinaigre ou mm moins
Li bzn epai
AprE fermE et met lor poilon chaud
GriyE on both sides

31) ena legume surgelE pu couscous
Zt kpv kui 1 massala lavian, met sa ladan
Kui couscous apart et manZ

32) mine frir sinon, biento Zeenat Garia Kawshar Goonoo pu fr la
Mw As Di et Wafiyya Abdool Raheem Baulacky pu gueT 🤣🤣🤣

Ena ban legume kuma calbass chouchou haricots voem tousa zt kpv couP gard dan frizer!

33) du riz dal lalo frir et poul frir salad thon poisson frir lavian frir rougay etc

34) du ri lenti bred et 1 salad poisson

35) spaghetti et viande hachée met pasta sauce
ou 1 sauce rouge crevett
Ou 1 sauce béchamel et poulet griyE
Kpv servi tagliatelle
M abitiE fer stir fry tagliatelle
V dir met diber ail et persil dan poilon ajpute tagliatelles dja boui
VirE et manZ!
Kpv fer 1 roti lavian oci
Kpv craz lavian fer boul frir met dan pasta sauce et manz ek pasta

36) Aster mm lavian craZ fer boul la zt kpv met ban boul la dan plato dizef en papier la
M essuyE ek 1 wipe
AprE met dan four
Sinon zt kpv frir li
AprE asT mini burger bread la
Coup top dupain la foui 1 trou met inP pasta sauce met 1 boul lavian kui ladan et met fromage mozarella raP et met dan four ou instal dan 1 poilon
Couver et manZ

37) pizza
Ou servi baguett pu fr 1 sub lakaz

38) frir chips, met poiron cube, oignon cube, tomate cube lor la et fromage raP
Servi dip :1 tbsp mayonnaise 3tbsp yaourt 1 tsp miel sel poivre lakeu oignon

39) roti poul et 1 salad dipain ou pasta

40) massala kheema lavian bred methi et tipoi
Manz ek diri lenti salad

41) boui dizef coup en 4
kraz lavian fer boul ek 1/4 dizef boui ladan
Frir
Fer 1 kalia ou sauce rouge
Met sa ladan

42) lezel poul marinE dan dilai dizef et paprika
Pass dan lapoud kfc et frir
Frites et salad

Bon zt ine ggnE imP l’idée la 😅

Mauritian Cuisine Chef

Our blog is powered by passionate internet blogger who grew up cooking and eating a variety of cuisines, including Mauritian Cuisine. Its for people looking to enjoy authentic Mauritian food and try out the recipes that makes us fond of the flavours of Mauritian Cuisine.

Latest Recipes